Біртұтас тәрбие бағдарламасы негізінде жас ұрпақтың сана-сезімін арттыру ,адамгершілік,кішіпейілділік секілді қасиеттерді бойына сіңіру мақсатында «Адал Ұрпақ» ұйымының мүшелері бастауыш сынып оқушыларына тегін тамақ үлестіруге көмек қолын созды.

Салауатты өмір туралы ұғымдарын кеңейту, жағымсыз әдеттердің ішімдік, темекі, есірткінің адам ағзасын бұзатын қасиетін ашып көрсету, және оқушылар бойында салауатты өмір салтын қалыптастыруға, өз ісіне жауапкершілікпен қарауға тәрбиелеу мақсатында 1-4 сыныптар арасында «Дұрыс тамақтану. Қанттың зияны» тақырыбында сынып сағаты өтті. 

Пайдалы және зиянды тағамдық заттармен таныстыру, тамақтану ережелерін жаттау, ұзақ өмір сүру үшін басты себеп – дұрыс тамақтана білуге тікелей байланысты екенін дәлелдеу және дұрыс тамақтана білу мәдениетіне тәрбиелеу мақсатында 8-11 сыныптар арасында «Артық салмақтың және семіздіктің алдын алу» тақырыбында конференция өтті. 

Оқушыларды дұрыс тамақтану мәдениетімен таныстырып, денсаулық құндылығы, дұрыс тамақтану туралы түсініктерін кеңейту және адамның ағзасына қажетті тағамдық заттардың ерекшелігін, денсаулықтың адам өміріндегі маңызын түсіндіру мақсатында 5-7 сынып оқушылары арасында «Дастарханға отырмас бұрын мен нені жеу керегін ойланамын» тақырыбында қабырға газеті байқауы өтті. 

Балалардың дұрыс тамақтануы, көкөністерді, жемістерді, жидектерді және басқа да пайдалы өнімдерді пайдалану қажеттілігі туралы білімдерін жүйелеу және кеңейту мақсатында 1-4 сынып оқушылары арасында «Көкөністер және жемістер – пайдалы өнімдер» тақырыбында сурет байқауы өтті.